ईशा कोप्पीकरलाही कास्टिंग काऊचचा धक्का; मोठ्या अभिनेत्याने एकांत भेटायला बोलावले होते!
मुंबई (प्रतिनिधी) – प्रसिद्ध अभिनेत्री ईशा कोप्पीकरने तिला वयाच्या 18 व्या वर्षी तिला कास्टिंग काऊचला सामोरे जावे लागल्याचा खुलासा केल्यानंतर एकच खळबळ उडाली आहे. विशेष म्हणजे, यासंदर्भात तिने एका अभिनेत्यालाही टार्गेट केलेले आहे. त्याचे नाव तिने घेतले नसले तरी संबंधित अभिनेता सिनेमासृष्टीत चर्चेत आला आहे. इशाने सांगितले की एका ए-लिस्टर अभिनेत्याने तिला एकटीला भेटण्यासाठी बोलावले होते. कलाकारांशी मैत्री केली तरच चित्रपटात काम मिळेल, असेही तो म्हणाला होता. एवढेच नाही तर अभिनेते आणि त्यांचे सचिव तिला अयोग्यरित्या स्पर्श करायचे आणि कलाकारांवर मैत्री करण्यासाठी दबाव टाकायचे, असा खुलासाही ईशाने केला आहे.
ईशा कोप्पीकरने 1998 मध्ये तामिळ चित्रपट ‘कधल कविता’मधून पदार्पण केले. या चित्रपटासाठी तिला फिल्मफेअरचा सर्वोत्कृष्ट महिला पदार्पण पुरस्कारही मिळाला होता. ईशाने 2000 मध्ये आलेल्या ‘फिजा’ चित्रपटातून बॉलिवूडमध्ये पदार्पण केले. या चित्रपटात करिश्मा कपूर आणि हृतिक रोशन मुख्य भूमिकेत होते. आत्तापर्यंत तिने कन्नड, तेलुगू, तमिळ, मराठी आणि हिंदी चित्रपटांमध्ये काम केले आहे. 2002 मध्ये रिलीज झालेल्या ‘कंपनी’ चित्रपटातील ‘खल्लास’ हे गाणे ईशाने गायले होते, ज्यामुळे तिला खूप लोकप्रियता मिळाली.
एका पत्रकाराला दिलेल्या मुलाखतीत ईशा कोप्पीकर म्हणाली, की मी 18 वर्षांची होते, तेव्हा सेक्रेटरी आणि अभिनेते कास्टिंग काउचसाठी माझ्याकडे आले होते. त्यांनी मला सांगितले की काम मिळवण्यासाठी मला कलाकारांशी मैत्री करावी लागेल. टॉपच्या अभिनेत्याने एकटीला भेटायला बोलावले होते. या अभिनेत्याचे नाव यापूर्वीही अनेक अभिनेत्रींसोबत जोडले गेले होते. हे कारण देत अभिनेत्याने ईशाला एकटीला भेटण्यास सांगितले होते. मात्र ईशाने भेटण्यास स्पष्ट नकार दिला होता. अभिनेता आणि त्याचा सेक्रेटरी अयोग्यपणे स्पर्श करत असे आणि हात फिरवत असे, असेही ते म्हणाली. ईशाने तिच्या चित्रपटसृष्टीतील सुरुवातीच्या प्रवासाविषयी आणि संघर्षाबद्दल सांगितले. त्या काळात अनेक अभिनेत्रींनी इंडस्ट्री सोडल्याचे ती म्हणाली. अजूनही इंडस्ट्रीचा भाग असलेले फार थोडे आहेत. या निवडक लोकांपैकी एक म्हणजे स्वतः ईशा, जिने हार मानली नाही आणि ती अजूनही इंडस्ट्रीचा एक भाग आहे. ईशाने तो काळही आठवला जेव्हा अभिनेता आणि त्याचा सेक्रेटरी तिला अयोग्यरित्या स्पर्श करत असत. इतके नाही की ते अभिनेत्रींचे हात मुरडायचे आणि अभिनेत्यांशी मैत्री करण्यासाठी त्यांच्यावर दबाव आणायचे, असेही त्यांनी सांगितले.
