साेलापूर (जिल्हा प्रतिनिधी) – मदर तेरेसा युथ फाउंडेशनच्या उत्सव अध्यक्षपदी अमर रेड्डी तर सचिवपदी प्रवीण गायकवाड यांची निवड करण्यात आली आहे. ही निवड 2022–2023 सालाकरिता करण्यात आली.
मदर तेरेसा युथ फाउंडेशन च्या माध्यमातून वर्षभर विविध सामाजिक उपक्रम राबविले जातात. समाजातील होतकरू मेहनती विद्यार्थ्यांना शालेय साहित्य, शैक्षणिक मदत, आरोग्य शिबिर, मोफत औषधे वाटप, रक्तदान शिबिर, पोलीस भरतीपूर्व प्रशिक्षणअसे विधायक कार्यक्रम संस्थेच्या माध्यमातून घेतले जातात. असेच नवनवीन समाजोपयोगी अभिनव उपक्रम तरुणांच्या हातून घडावे याकरीता दरवर्षी उत्सव समिती गठीत केली जाते. अशी माहिती संस्थेचे संस्थापक अध्यक्ष विक्रम कलबुर्गी यांनी दिली. मदर तेरेसा युथ फाउंडेशन चे कार्यालय कुर्बान हुसेन नगर येथे संस्थेचे मार्गदर्शक माजी नगरसेविका रे नगर फेडरेशनचे अध्यक्ष नलिनीताई कलबुर्गी यांच्या अध्यक्षतेखाली बैठक झाली. उत्सव अध्यक्ष -अमर रेड्डी, उपाध्यक्ष -दिलीप छत्रे, सेक्रेटरी- प्रविण गायकवाड, खजिनदार- डेव्हिड सामुवेल, कार्याध्यक्ष- अब्राहम फर्नांडिस आदी कार्यकारिणी सदस्यांची निवड करण्यात आली.