चिखली (तालुका प्रतिनिधी) – विधानसभा निवडणुकीत सलग दुसऱ्यांदा विजय संपादन केल्यानंतर महायुतीच्या उमेदवार आ. श्वेताताई महाले यांची जल्लोषात विजयी मिरवणूक काढण्यात आली. छत्रपती शिवाजी महाराज चौकातून सुरू झालेल्या या मिरवणुकीमध्ये महायुतीचे हजारो कार्यकर्ते व समर्थक सहभागी झाले होते. आ. श्वेताताई महाले यांनी या विजयाबद्दल सर्व मतदारांचे आभार मानले असून, सत्याने असत्यावर मिळवलेला हा विजय आहे अशा शब्दात त्यांनी या निवडणूक निकालावर आपली प्रतिक्रिया व्यक्त केली.
भारतीय जनता पक्षाच्या आमदार श्वेताताई महाले यांनी चिखली विधानसभा मतदारसंघात महायुतीच्या उमेदवार म्हणून निवडणूक लढवली. महाविकास आघाडीतर्फे काँग्रेसचे राहुल बोंद्रे यांचा त्यांनी 3,0201 मतांनी पराभव करून सलग दुसऱ्यांदा विजय नोंदवला. आ. महाले यांच्या या विजयानंतर भाजपा, शिवसेना, राष्ट्रवादी काँग्रेस, आरपीआय, पीरिपा या महायुतीमधील घटक पक्षांचे नेते, पदाधिकारी व कार्यकर्ते हजारोंच्या संख्येत शहरातील छत्रपती शिवाजी महाराज चौकात जमले. शहर व ग्रामीण भागातील कार्यकर्त्यांनी एकत्र येऊन मोठा जल्लोष केला. आ. श्वेताताई महाले यांनी निवडणूक निर्णय अधिकार्‍याकडून विजयाचे प्रमाणपत्र घेतल्यानंतर त्यादेखील या मिरवणुकीत सहभागी झाल्या. मतदारांना अभिवादन करत श्रीमती महाले यांनी उपस्थितांकडून अभिनंदन याचा देखील स्वीकार केला.
सत्याने असत्यावर मिळवलेला हा विजय – श्वेताताई महाले
या निवडणूक निकालावर बोलताना करताना आ. श्वेताताई महाले यांनी हा निवडणूक निकाल म्हणजे सत्याने असत्यावर मिळवलेला विजय आहे अशा शब्दात आपली प्रतिक्रिया व्यक्त केली आहे.