मेहकर (रवींद्र सुरूशे) – क्रांतीसूर्य महात्मा ज्योतिबा फुले व भारतरत्न डॉक्टर बाबासाहेब आंबेडकर यांच्या जयंतीच्या निमित्ताने शिव सावता मित्र मंडळाच्यावतीने विविध सामाजिक आणि जनहितार्थ उपक्रम राबविण्यात येणार असून, शेतकरी मार्गदर्शक शिबिराचे आयोजनसुद्धा करण्यात आले आहे. मंगळवार, दिनांक ११ एप्रिल २०२३ रोजी बुधवारला सकाळी नऊ वाजता श्री.विठ्ठल रुक्मिणी मंगल कार्यालय देऊळगाव माळी येथे हवामानतज्ज्ञ पंजाबराव डख व कृषी योद्धा संघटनेचे अध्यक्ष ज्ञानेश्वर खरात पाटील हे मार्गदर्शक म्हणून उपस्थित राहणार आहेत. तरी परिसरातील तमाम शेतकरी बांधवांनी या शेतकरी मार्गदर्शक शिबिराचा लाभ घ्यावा, व शेतकर्‍यांनी मोठ्या संख्येने उपस्थित राहावे, असे आवाहन शिव सावता मित्र मंडळाच्या वतीने करण्यात आले आहे.