आळंदी ( अर्जुन मेदनकर ) : साहित्यरत्न लोकशाहीर अण्णाभाऊ साठे जयंती महोत्सव समिती मावळ तालुक्याच्या वतीने रविवारी ( दि. २७ ) शासकीय विश्रामगृह वडगाव मावळ येथे दुपारी तीन वाजता साहित्यरत्न लोकशाहीर अण्णाभाऊ साठे यांची जयंती साजरी होणार आहे. या जयंती निमित्त संघर्ष नायक लोकनेते भगवानराव वैराट यांना साहित्यरत्न लोकशाहीर अण्णाभाऊ साठे फकिरा पुरस्कार देऊन सन्मानित करण्यात येणार आहे.
या कार्यक्रमास सर्व समाज बांधव, पदाधिकारी, कार्यकर्ते, महिला आघाडी प्रमुख यांनी उपस्थित रहावे असे आवाहन पुणे जिल्हा महिला आघाडी अध्यक्षा नीलम सोनवणे, महाराष्ट्र प्रदेश झोपडपट्टी सुरक्षा दल आळंदी शहर अध्यक्ष संतोष सोनवणे, आळंदी शहर पथारी सुरक्षा दल अध्यक्ष गणेश काळे यांनी आवाहन केले आहे.