आळंदी ( अर्जुन मेदनकर ) : येथील मोशी आळंदी रस्त्यावरील वैभवी वेदश्री तपोवन मध्ये श्रीराम जन्मभूमी तीर्थक्षेत्र न्यास, अयोध्याचे कोषाध्यक्ष स्वामी गोविंददेव गिरीजी महाराजांनी आपल्या जीवनयात्रेची ७४ वर्ष पूर्ण करत ७५ व्या वर्षात पदार्पण केले. त्यानिमित्त आणि पुण्यप्रद श्रावण अधिकमासा निमित्त वेदश्री तपोवन, आळंदी येथे विविध धार्मिक उपक्रमांचा समावेश असलेल्या दोन दिवसीय आणि ३३ कुंडीय महाविष्णूयागचा वेदमंत्रजय घोषात प्रारंभ झाला.
विश्वशांती आणि राष्ट्रीय सद्भाव जोपासण्याचे धोरणातून देशभरातून १०८ यजमान, ६६ पुरोहितांच्या उपस्थितीत महाविष्णूयाग उत्साहात सुरु झाला. या कार्यासाठी ९० फूट लांबी – रुंदीचा यज्ञ मंडप विकसित करण्यात आला असून सर्वांचे लक्ष वेधून घेत आहे. महाविष्णूयज्ञास १६१ यजमान यांचे माध्यमातून १६१ सत्यनारायण महापूजा यासाठी करण्यात आली. महायज्ञ कालावधीत ३ हजार ३०० विष्णूसहस्त्र नामाचे पाठ तसेच हवन सुरू करण्यात आले आहे. गोपुजन प. पू. स्वामी गोविंददेवगिरींच्या हस्ते झाले.
दोन दिवशीय महाविष्णूयागची सांगता ९ ऑगस्ट क्रांतिदिनीं होत आहे. लक्ष्मीप्रसाद पटवारी यांचे नारदीय कीर्तन होत आहे. या यज्ञाचे सोहळ्यात भाविकांनी यज्ञदर्शन, श्रवण, प्रसाद घेण्यास मोठी गर्दी केली. ३३ कुंडीय यज्ञाचे यज्ञाचार्य महेश नंदे गुरूजी, प्रमुख यजमान श्रीनिवास वर्णेकर, कार्यक्रमाचे नियोजन श्रीपाद देशमुख, लक्ष्मण जोशी यांनी केल्याचे युवा उद्योजक राहुल चव्हाण यांनी सांगितले. वेदश्री तपोवन संस्थे तर्फे यासाठी सर्व साधक, सेवक यांनी परिश्रम घेत आहेत.