आळंदी ( अर्जुन मेदनकर ) : येथील आळंदी जनहित फाऊंडेशन संचलित सिद्धबेट अधिकमास निमित्त कीर्तन महोत्सवाचे पर्वणीत स्व. दशरथ बालवडकर यांच्या स्मरणार्थ आयोजित कीर्तन महोत्सव हरिनाम गजरात सुरु असून भाविकांची कीर्तन श्रवणास गर्दी होत आहे. आळंदी सिद्धबेटात एक महिनाभर अधिकमास निमित्त अखंड हरिनाम सप्ताह शृंखलेच्या तिसऱ्या सप्ताहात रामकृष्ण वारकरी शिक्षण संस्थेचे अध्यक्ष मोहन महाराज शिंदे, महाराष्ट्र राज्य वारकरी महामंडळ अध्यक्ष विलासतात्या बालवडकर, आळंदी नगरपरिषद कार्यालयीन अधीक्षक किशोर तरकासे, रयत क्रांती संघटनेचे प्रवर्तक गजानन गांडेकर, भरत महाराज बालवडकर, अधिकमास उत्सव मुख्य समन्वयक अर्जुन मेदनकर, युवा उद्योजक राहुल चव्हाण, सचिन महाराज शिंदे, विश्वस्त ज्ञानेश्वर घुंडरे पाटील, संतोष भोकसे आदी उपस्थित होते. या सप्ताहात किर्तन महोत्सवात हृदयस्पर्शी वाणीतून राज्यातील नामवंत कीर्तनकारांच्या कीर्तनाची पर्वणी लाभत असून भाविक, नागरिकांचा उत्स्फुरद प्रतिसाद मिळत आहे. उत्तरोत्तर भाविकांची गर्दी वाढत आहे.
आळंदी सिद्धबेट अधिक मास उत्सव समितीचे प्रमुख अर्जुन मेदनकर यांचे संकल्पनेतून यावर्षीचे अधिकमास निमित्त सिध्दबेटात अखंड हरिनाम सप्ताहाची शृंखला महिनाभर आयोजित करण्यात आली आहे. यातील तिसऱ्या सप्ताहात श्रीरामकृष्ण वारकरी शिक्षण संस्थेच्या माध्यमातून स्व. दशरथ बालवडकर यांच्या स्मरणार्थ कीर्तन महोत्सव होत आहे. व्यासपीठ चालक रामचंद्र महाराज सारंग, कृष्णा महाराज कोलते करीत असल्याचे संयोजक अर्जुन मेदनकर यांनी सांगितले. दैनंदिन कार्यक्रमात पहाटे काकड आरती, सकाळी ज्ञानेश्वरी पारायण, दुपारी भजन, सायंकाळी हरिपाठ, रात्री कीर्तन सेवा सुरू झाली. या कीर्तन महोत्सवात शरद महाराज पाटील, दत्तात्रय महाराज शास्त्री, राजेंद्र महाराज धुमाळ, संजय महाराज वाटकर, पांडुरंग महाराज राजूरकर यांची कीर्तन सेवा भाविकांची दाद मिळवून गेली. रामचंद्र महाराज सारंग, माऊली महाराज करंजीकर यांची कीर्तन सेवा होत आहे.
या सोहळ्यात भजन सेवा ज्ञानभक्ती अध्यात्मिक वारकरी शिक्षण संस्था, श्री स्वामी समर्थ महिला भजनी मंडळ, बाळकृष्ण महाराज फणसे दिंडी क्रमांक ८८, शांती ब्रह्म वारकरी शिक्षण संस्था आळंदी, रामकृष्ण महिला भजनी मंडळ आळंदी, श्रीराम कृष्ण वारकरी शिक्षण संस्था यांची भजन सेवा होणार आहे यावेळी मृदंग साथ रवींद्र कुमकर, सुनील वलेकर, सौरभ बागल, पवन लिंगायत, कल्याणी शिंदे, वेदांत कोळेकर, प्रणव पारठे, युवराज चिकणे, ओंकार यादव, सार्थक डावखर, ज्ञानेश्वरी शिंदे, आदित्य धनवटे, सार्थक वाटकर, बजरंग बुटले, गंगाधर सोळंके साथ देत आहेत. रामचंद्र महाराज सारंग, संजय महाराज वाटकर, कृष्णा कोलते, वैभव गलधर, चक्रधर गलधर, अशोक सालपे, अजिंक्य सीरसकर, सोपान बुटले, पृथ्वीराज कराळे, ज्ञानेश्वरी कडवे, वैष्णवी जाधव गायन साथ देत आहेत. सप्ताहात विलास महाराज बालवडकर यांच्या वतीने महाप्रसाद होत आहे. श्रीराम कृष्ण वारकरी शिक्षण संस्थेचे अध्यक्ष मोहन महाराज शिंदे म्हणाले, वारकरी भाविकांनी या ज्ञानदान यज्ञाचा लाभ घेऊन पवित्र अधिक मास पर्वणीत कीर्तन, भजन श्रवण सुखाचा आनंद घ्यावा. आळंदी सिद्धबेट अधिक मास उत्सव समितीचे प्रमुख अर्जुन मेदनकर, युवा उद्योजक राहुल चव्हाण, भागवत काटकर, माऊली घुंडरे, सचिन शिंदे आदी परिश्रम घेत आहे.