बिबी (प्रतिनिधी) – माजी मंत्री तथा सिंदखेडराजा विधानसभा मतदारसंघाचे आमदार डॉ. राजेंद्र शिंगणे यांच्या ६२ व्या वाढदिवसानिमित्त जिल्हा परिषद शाळा बिबी येथे इयत्ता चौथीमधील विद्यार्थ्यांना कॉम्रेड गोविंद पानसरे यांनी लिहिलेले ‘शिवाजी कोण होता?’ या पुस्तकाचे वितरण मान्यवरांच्याहस्ते करण्यात आले.
बिबी येथे आज दिनांक २८ मार्चरोजी शालेय विद्यार्थ्यांना आ. डॉ. शिंगणे यांच्या वाढदिवसानिमित्त पुस्तकाचे वितरण करण्यात आले व शिवाजी महाराजांविषयी, त्यांनी केलेल्या लढायांविषयी, त्यांनी कशाप्रकारे युद्ध जिंकले त्यांची रणनीती काय होती, त्यांचे विचार काय होते, त्यांच्या आईने म्हणजे राष्ट्रमाता जिजाऊ यांनी शिवाजी महाराजांना कशाप्रकारे घडविले, या सर्व बाबींवर या पुस्तकामध्ये प्रकाश टाकण्यात आला, व लहान मुलांनी हे पुस्तक वाचून त्यांचे विचार अंगीकृत करावे व तशाप्रकारे आपणही तसे वागावे, व मोठे व्हावे अशाप्रकारे सर्व मान्यवरांनी आपल्या भाषणांमधून विद्यार्थ्यांना मार्गदर्शन केले. यावेळी पंचक्रोशीतील सर्व राष्ट्रवादी काँग्रेसचे पदाधिकारी हजर होते.