गडचिरोली (जिल्हा प्रतिनिधी) – आलापल्ली येथील मदरसा दावतुल हकच्यावतीने स्वातंत्र्य दिनाचे औचित्य साधून अमृत महोत्सवात सहभागासाठी वृक्षारोपण कार्यक्रमाचे आयोजन करण्यात आले होते.
यावेळी मदरशात शिक्षण घेणार्‍या विद्यार्थ्यांना भारत देशाच्या ७५ व्या स्वतंत्र दिन आणि स्वातंत्र्यनंतर भारत आधुनिक युगात कशाप्रकारे वाटचाल करत आहे, याबाबत माहिती देण्यात आली. तसेच देशाच्या स्वातंत्र्यासाठी महापुरुषांचे योगदान आणि बलिदानांबद्दल अवगत करून देण्यात आले. यावेळेस दावतुल हक मदरशाचे सदर अफसर पठाण, हनिफ शेख, इरफान शेख, मोहम्मद जमीर, शाहरुख खान, मेहबूब शेख, मदरसेचे इमाम आणि विद्यार्थी मोठ्या संख्येने उपस्थित होते.