सिंदखेडराजा (तालुका प्रतिनिधी) – तालुक्यातील महत्वपूर्ण असलेली मोहाडी ग्रामपंचायत तालुका काँग्रेस कमिटीचे अध्यक्ष शिवदास रिंढे गटाच्या ताब्यात आली असतानाच, आज झालेल्या उपसरपंचपदाच्या निवडणुकीतही रिंढे गटाचे वर्चस्व दिसून आले. उपसरपंचपदी सौ. जिजाबाई विक्रम इंगळे यांची बिनविरोध निवड झाली असून, शिवदास रिंढे यांच्यासह ग्रामस्थांनी त्यांचे उत्स्फूर्त स्वागत केले.
मोहाडी ग्रामपंचायतीमध्ये उपसरपंचपदासाठी ग्रामसेवक तथा निवडणूक निर्णय अधिकारी सौ. के. बी. पडघान यांनी निवडणूक घेतली. त्यामध्ये सौ.जिजाबाई विक्रम इंगळे यांची अविरोध निवड करण्यात आली. तालुका काँग्रेस कमिटीचे अध्यक्ष शिवदास रिंढे यांचे या ग्रामपंचायतीमध्ये बहुमत असल्याने ही ग्रामपंचायत तशी रिंढे गटाच्या ताब्यात आहे. त्यामुळे बहुमताच्या जोरावर उपसरपंचपदाची निवडणूक बिनविरोध झाली. नवनिर्वाचित ग्रामपंचायत सदस्य शालीग्राम सदाशिव रिंढे, सौ.संगिता राजू इंगळे, सौ.सविता राजू आसाबे, सौ.नलिनी विजय इंगळे इत्यादींनी पदभार स्विकारून निवडणुकीत महत्त्वपूर्ण सहभाग घेतला. यावेळी गावातील बहुसंख्य ग्रामस्थ उपस्थित होते.
————-