बुलढाणा (जिल्हा प्रतिनिधी) – स्थानिक प्रबोधन विद्यालयातील इयत्ता पाचवीत शिकणारी अस्मिता प्रशांत खंडारे ही विद्यार्थिनी एकलव्य ज्ञानवर्धिनी बहुउद्देशीय संस्था नागपूरच्यावतीने घेण्यात आलेल्या सामान्य ज्ञान स्पर्धेत प्रथम आली आहे.
शाळेतील अ, ब, क, ड वर्गातून प्रथम येण्याचा बहुमान अस्मिताने पटकाविला असून, आज २३ फेब्रुवारीला शाळेत स्मृतिचिन्ह व सन्मानपत्र देऊन कौतुक सोहळा पार पडला. इयत्ता पहिली ते चौथीपर्यंत अस्मिताने प्रथम क्रमांकाची जागा काबीज करून ठेवली आहे. इयत्ता पाचवीतदेखील ती अव्वल राहील असा आत्मविश्वास व्यक्त करते.
तत्पूर्वी एकलव्य ज्ञानवर्धिनी बहुउद्देशीय संस्था नागपूरच्यावतीने सामान्य ज्ञान स्पर्धा परीक्षा घेण्यात आली होती. या स्पर्धेचा निकाल जाहीर झाला. आज, २३ फेब्रुवारीला या स्पर्धेतील स्पर्धकांना बक्षीस वितरण करण्यात आले. या स्पर्धेत अस्मिता खंडारे हिने इयत्ता पाचवीतील अ ब क ड वर्गातून प्रथम क्रमांक पटकावला आहे. शिक्षिका नयना राठोड व प्राध्यापक वृंदानी तिचे कौतुक केले.