नवापूर तालुक्यातील बेडकीपाडा येथे जुगारअड्ड्यावर पाेलिसांचा सर्वात माेठा छापा 

जवळपास 50 पुरुषांसह चार महिलांनादेखील अटक

नंदूरबार (जिल्हा प्रतिनिधी) –  जिल्ह्यातील नवापुर शहरालगत असलेल्या बेडकीपाडा शिवारातील एका शेड मध्ये चालणाऱ्या सर्वात माेठ्या  जुगार अड्यावर पोलीसांनी छापा टाकला आहे.  या छाप्यात ०७ लाख २३ हजारांची रोडक जप्त करण्यात आली. तसेच,  ८ महागड्या गाड्या ९ मोबाईल जप्त केले असून जवळपास ३५ लाखाच्या मुद्देमाल यात मिळून आला आहे.

नाशिक परिक्षेत्राचे विशेष पोलीस महानिरीक्षकांचे पथक आणि नंदुरबार स्थानिक गुन्हे शाखेच्या पथकाने ही संयुक्त कारवाई केली आहे.  या मध्ये जुगार खेडणाऱ्या जवळपास पन्नास पुरुष आणि चार महिलांसह सर्व्हीस देणाऱ्या दहा जणांना देखील अटक करण्यात आली आहे.  आज भल्या पहाटे गोपनीय पद्धतीने पोलीसांनी हे छापा सत्र राबविले आहे.  या छाप्यानंतर सीमावर्ती भागातील अवैध धंदे पुन्हा चर्चेत आले आहेत.  विशेष म्हणजे छाप्यात गुजरात राज्यातील अनेक जुगारीनाही अटक करण्यात आली आहे.