चिखली (तालुका प्रतिनिधी) – चिखली तालुक्यातील केंद्रीय मराठी उच्च माध्यमिक शाळा मेरा खु. या शाळेमध्ये शाळा व व्यवस्थापन समिती यांनी गावातील माजी सैनिक किशोर दिनकर काळे यांच्याहस्ते ध्वजारोहण करून स्वातंत्र्याच्या अमृत महोत्सवानिमित्त ध्वजारोहण केले.
यावेळी शाळेतील विद्यार्थिनी, माजी सैनिक किशोर काळे, शाळा व्यवस्थापन समिती अध्यक्ष नरेंद्र खराडे, उपाध्यक्ष गोविंद सुसर, रामा दरेकर, भागवत जंगले यांना शाळेतील विद्यार्थिनींनी राखी बांधून रक्षाबंधन साजरे केले. यावेळी शाळेचे मुख्याध्यापक विठ्ठल परिहार, कलीम सर, पटेल सर, शिरसाठ मॅडम, वराडे मॅडम, थोरात मॅडम, खनगन मॅडम आदी उपस्थित होते. तसेच गावचे सरपंच, ग्रामसेवक व सर्व सदस्य ध्वजारोहणासाठी हजर होते.