देऊळगावराजा (तालुका प्रतिनिधी) – राष्ट्रवादी काँग्रेस पक्षाच्या देऊळगावराजा तालुका युवक अध्यक्षपदी गजानन दगडू चित्ते यांची पक्षाच्या जिल्हाध्यक्षा तथा माजी आमदार रेखाताई खेडेकर यांनी नियुक्ती केली आहे. या नियुक्तीबद्दल चित्ते यांचा तालुक्यात अनेक ठिकाणी सत्कार करण्यात आला.
गजानन चित्ते हे गेली अनेक वर्षे राष्ट्रवादी काँग्रेस पक्षात कार्यरत आहेत. त्यांनी विविध आंदोलनांद्वारे समाजातील विविध घटकांना न्याय मिळवून दिला आहे. त्यांच्यासारख्या एका उमद्या नेतृत्वाची दखल घेऊन पक्षाने त्यांच्यावर महत्वपूर्ण जबाबदारी सोपावली आहे. त्यांच्या या नियुक्तीबद्दल तालुक्यामध्ये जल्लोषाचे वातावरण तयार झालेले आहे. पक्षाला चांगले दिवस आणण्यासाठी अहोरात्र काम करण्याचा निर्णय त्यांनी जाहीर केला आहे. या नियुक्तीबद्दल देऊळगावमही, देऊळगावराजा, निमगावगुरु ग्रामपंचायत व निमगावगुरु विठ्ठल रुक्माई भजनी मंडळ व गावकर्‍यांनी त्यांचे जल्लोषात स्वागत केले.