चिखली (महेंद्र हिवाळे) – चिखली तालुक्यातील माळशेंबा गावाजवळ वाजंत्री बॅण्डच्या लक्झरी गाडीने मोटारसायकला उडविल्याने झालेल्या दुर्देवी अपघातात एक जण ठार झाला असून, अन्य दोघे गंभीर जखमी झालेले आहेत.
सविस्तर असे, की रायपूर पोलीस स्टेशन हद्दीतील माळशेंबा गावाजवळ एम एच०४-सीए-८२९२या लक्झरी वाजंत्री बँडच्या गाडीचा ड्रायव्हरने आपले वाहन निष्काळाजीपणाने चालून भरधाव चालवत असताना मोटरसायकल क्रमांक एम एच २१बी एम १९५९ला समोरून धडक दिली. या अपघातात दिनकर यादव धनराज (वय ५०) यांचा जागीच मृत्यू झाला तर मृतकाची पत्नी छाया दिनकर धनराज व मुलगा विकास दिनकर धनराज यांना जखमी अवस्थेत प्राथमिक उपचार करण्यासाठी दवाखान्यात नेण्यात आले, अशी माहिती मृतकाचे भाऊ भास्कर यादवराव धनराज (वय ४५) यांनी रायपूर पोलीस स्टेशनला दिली. त्यांच्या फिर्यादीवरून तपास अधिकारी पोलीस हेड कॉन्स्टेबल रवींद्र पवार यांनी घटनास्थळाच्या निरीक्षणावरून अपराधिक क्रमांक ६६/ २३कलम ३०४अ २७९,३३७,३३८,४२७ भादंविच्या कलमानुसार लक्झरी गाडी वाजंत्री बँड यांच्या ड्रायव्हरवर गुन्हा दाखल केला आहे. पुढील तपास पीएसओच्या आदेशानुसार बीट जमादार रवींद्र पवार यांच्याकडे देण्यात आलेला आहे.