चिखली (तालुका प्रतिनिधी) – मलकापूर पांग्रा (ता. सिंदखेडराजा) येथील साईनाथ इंग्लिश हायस्कूल येथे दहीहंडीचा कार्यक्रम उत्साहात व बालगोपालांच्या आनंदात साजरा झाला.
शुक्रवारी झालेल्या या कार्यक्रमाच्या अध्यक्षस्थानी संस्थेचे अध्यक्ष भगवान रामचंद्र सानप हे होते. त्यांच्या प्रमुख उपस्थितीत दहीहंडीचा कार्यक्रम साजरा झाला. यावेळी विविध सांस्कृतिक कार्यक्रम विद्यार्थी व विद्यार्थिनींनी साजरे केले. पारंपरिक वेशातील मुले सर्वांचे लक्ष आकर्षित करून घेत होते. यासाठी शाळेच्या मुख्याध्यापिका सौ. उषा भगवान सानप, एस.ए.साळवे , बी.आर.मोरे, सौ.एम.एम पाटील, एस.आर.पठाण, सौ. के.एस.राऊत आणि शाळेतील कर्मचारी के.डी.सोनुने, ए.चव्हाण, आणि एस.कमळकर या सर्वांनी परिश्रम घेतले होते. शिक्षक व विद्यार्थी यांनी दहिहंडी कार्यक्रम खूप चांगल्या प्रकारे साजरा केला.