आळंदी ( अर्जुन मेदनकर ) : राष्ट्रवादी काँग्रेसचे महाराष्ट्रातील युवा नेतृत्व, युवक तरुणांचे आशास्थान, क्रियाशील, कर्तव्यदक्ष युवा आमदार रोहितदादा पवार यांच्या वाढदिवसानिमित्त खेड तालुका युवक राष्ट्रवादी काँग्रेस पार्टी, आळंदी शहर युवक राष्ट्रवादी काँग्रेस पार्टीचे वतीने वृक्षारोपण करण्यात आले.
आळंदी नगरपरिषद हरिपाठ उद्यान येथील प्रशस्त बागेत खेड तालुका युवक राष्ट्रवादी काँग्रेस पार्टी चे तालुका उपाध्यक्ष रोहनशेठ कुऱ्हाडे पाटील यांचे हस्ते वृक्षारोपण करण्यात आले. यावेळी आमदार रोहितदादा पवार यांचे वाढदिवस वृक्षारोपण व वृक्ष संवर्धन उपक्रम सामाजिक बांधिलकीतून आयोजित करण्यात आला. हरित आळंदी साठी यापुढील काळात अधिक प्रभावी काम केले जाणार असल्याचे रोहनशेठ कुऱ्हाडे पाटील यांनी सांगितले. वृक्षारोपण प्रसंगी खेड तालुका उपाध्यक्ष रोहन कुऱ्हाडे पाटील, आळंदी शहर राष्ट्रवादी युवक अध्यक्ष सौरभ गव्हाणे, अमित कुऱ्हाडे. निखिल बनसोडे, सुदर्शन शिंदे आदी उपस्थित होते.