-अंबुजा सिमेंट्सच्या तांत्रिक मदतीमुळे कंत्राटदाराच्या कामात सुधारणा
बुलढाणा (जिल्हा प्रतिनिधी) – अंबुजा सिमेंट्स कंपनीच्या तांत्रिक मार्गदर्शनामुळे बुलढाणा येथील बांधकाम कंत्राटदार अफसर खान यांच्या कामात लक्षणीय सुधारणा झाली असून, त्यांच्या प्रगतीचा नुकताच कंपनीकडून गौरव करण्यात आला.
अंबुजा सिमेंट्सच्या तांत्रिक सेवा पथकाने वेळोवेळी बांधकामस्थळी भेट देऊन काँक्रीट तयार करणे, त्याची योग्य हाताळणी तसेच क्युरिंग प्रक्रियेबाबत प्रत्यक्ष मार्गदर्शन केले. या मार्गदर्शनामुळे बांधकामाचे काम अधिक शिस्तबद्ध आणि योग्य पद्धतीने कसे करावे, याची स्पष्ट माहिती खान यांना मिळाली.
यापूर्वी बांधकाम तंत्रांची सविस्तर माहिती नसल्यामुळे काही प्रकल्पांमध्ये कामाचा उशीर होत असे तसेच दर्जासंबंधी अडचणी निर्माण होत होत्या. मात्र अंबुजा सिमेंट्सच्या तांत्रिक सहाय्यामुळे आणि सुधारित पद्धतींचा अवलंब केल्याने ही अडचण दूर झाल्याचे त्यांनी सांगितले.
या पद्धतीने पूर्ण करण्यात आलेला खान यांचा ‘एसीटी’ (अंबुजा सर्टिफाईड टेक्नॉलॉजी) प्रकल्प मजबुती, दर्जा आणि कामाच्या गुणवत्तेसाठी उल्लेखनीय ठरला आहे. या प्रकल्पाचे ग्राहकांसह स्थानिक बांधकाम व्यावसायिकांकडूनही कौतुक करण्यात येत आहे.
