भोकर (प्रतिनिधी) – केंद्रीय परीक्षा मंडळाकडून घेण्यात आलेल्या जवाहर नवोदय विद्यालय इयत्ता सहावी प्रवेश पात्र परीक्षेच्या निकाल नुकताच जाहीर करण्यात आला. त्यात श्रेया बालाजी खुपसे ही विद्यार्थिनी प्रवेश पात्र परीक्षेत उत्तीर्ण झाली असून तिची जवाहर नवोदय विद्यालय सन 2022 साठी निवड झाली आहे.
दोन महिन्यापूर्वी 30 एप्रिल रोजी जवाहर नवोदय विद्यालय केंद्रीय परीक्षा मंडळाकडून इयत्ता सहावी प्रवेश पात्रतेसाठी परीक्षा घेण्यात आली होती, त्या परीक्षेत श्रीमती वत्सला देवी देसाई गर्लस हायस्कूल व उच्च माध्यमिक प्रशाला आटपाडी जि.सांगली या शाळेची विद्यार्थिनी कु. श्रेया बालाजी खुपसे हिने यश संपादन केले आहे. यासाठी तिला शाळेचे मुख्याध्यापक सौ. मोकाशी मॅडम शिक्षक व कर्मचारी आणि लक्षवेध निवासी अकॅडमी चे संचालक यांचे मोलाचे मार्गदर्शन लाभले आहे. तसेच तिच्या यशात तिचे आई-वडील आजी-आजोबा यांचाही निश्चित वाटा आहे. तिच्या या यशाबद्दल बबन भिसे, विलास मेंडके, हनुमान डाके, गंगाधर वानोळे,बबन टारपे, शंभू डोखळे, गजानन डोखळे, राजेश्वर झाडे, नारायण डाखोरे,रघू मेंडके आणि संमदरवाडी येथील नागरिक तिचे अभिनंदन व कौतुक होत आहे.