मेहकर (रवींद्र सुरूशे) – तालुक्यातील सारंगपूर शिवारातील मेहकर – गणपूर रोडवरील लिंबाच्या झाडाला ३५ वर्षीय तरूणाने गळफास घेऊन आत्महत्या केली. या घटनेने तालुक्यात खळबळ उडाली असून, या तरूणाच्या आत्महत्येचे नेमके कारण काय, असा प्रश्न निर्माण झाला आहे. मृत युवक हा साखरखेर्डा येथील रहिवासी आहे.
मेहकर पोलीस स्टेशन अंतर्गत येत असलेल्या सारंगपूर शिवारात मेहकर-गणपूर रोडवरील आत्माराम राजगुरू यांच्या शेतातील लिंबाच्या झाडाला दुचाकीवरून आलेल्या ३५ वर्षीय इसमाने गळफास घेऊन आत्महत्या केली. ही घटना दिनांक २ जानेवारी २०२३ रोजी सकाळी उघडकीस आली. श्रीकृष्ण भिकाजी कोल्हे राहणार साखरखेर्डा असे या तरुणाचे नाव आहे. त्याने गळफास घेऊन आपली जीवन यात्रा का संपवली, याबाबत मेहकर पोलिस अधिक तपास करत आहे. पुढील तपास मेहकर पोलीस स्टेशनच्या ठाणेदार निर्मला परदेशी यांच्या मार्गदर्शनाखाली पोलीस करीत आहे.
—————–