आजपासून राहुल गांधी यांची ‘भारत जोडो’ यात्रा पुन्हा सुरू!

बुलढाणा (एकनाथ माळेकर) – काँग्रेस नेते व खासदार राहुल गांधी हे गुजरातमधील सुरत व राजकोट येथील विधानसभा निवडणूक प्रचार सभा आटोपून काल रात्री (दि.२१) औरंगाबादेत मुक्कामी पोहोचले, आज ते निमखेडी येथे पोहोचणार असून, भारत जोडो यात्रा पुन्हा सुरू होऊन आज ती मध्यप्रदेशात जाणार आहे.

औरंगाबादेत पोहोचल्यानंतर राहुल गांधी यांचे जोरदार स्वागत करण्यात आले. त्यानंतर ते एका हॉटेलमध्ये मुक्कामी थांबले. सकाळी ते जळगाव जामोदकडे हेलिकॉप्टरने रवाना होणार आहेत. त्यानंतर भारत जोडो यात्रा पुन्हा सुरू होईल. ही यात्रा मध्यप्रदेशातील बोदरली गावात पोहोचणार असून, १५ दिवस भारत जोडो यात्रा मध्यप्रदेशातील सहा जिल्ह्यातून जाणार आहे.