बिबी (ऋषी दंदाले) – शेतकर्‍यांच्या प्रश्नावर शासनाला व प्रशासनाला आंदोलनाच्या माध्यमातून गुडघे टेकण्यास भाग पाडणारे शेतकरी नेते रविकांत तुपकर यांची उद्या (दि.) संध्याकाळी सात वाजता लोणार तालुक्यातील वढव येथील गावकर्‍यांनी शेतकरी परिवर्तन एल्गार सभा आयोजित केली आहे. तरी परिसरातील शेतकर्‍यांनी या सभेला मोठ्या संख्येने उपस्थित राहण्याचे आवाहन वढव गावकर्‍यांसह स्वाभिमानी शेतकरी संघटनेचे बुलढाणा जिल्हा उपाध्यक्ष सहदेव लाड यांनी केले आहे. या सभेतून तुपकर हे कुणावर आपली मुलुखमैदानी तोफ डागतात, याकडे सर्वांचे लक्ष लागून आहे.
कापूस सोयाबीन भाव वाढीसाठी तसेच पीकविम्याची व अतिवृष्टीची दुष्काळाची मदत मिळून घेण्यासाठी वेगवेगळे आंदोलने करून शेतकर्‍यांच्या न्याय हक्कासाठी लढणारे शेतकरी नेते रविकांत तुपकर यांच्या जिल्ह्यातील गावोगावी शेतकरी परिवर्तन एल्गार सभा सुरू आहे. त्या अनुषंगाने लोणार तालुक्यातील वढव येथे गावकर्‍यांच्यावतीने शेतकरी परिवर्तन एल्गार सभेचे आयोजन करण्यात आले आहे. तरी शेतकर्‍यांचा आवाज बुलंद करण्यासाठी परिसरातील शेतकर्‍यांनी या सभेला मोठ्या प्रमाणात उपस्थित राहण्याचे आवाहन सहदेव लाड यांनी केले आहे.
