चिखली (शहर प्रतिनिधी) – ऋणानुबंध समाज विकास संस्थेव्दारा संचलित तुकाराम आश्रय वृद्धाश्रम भोकर येथे काल, ७ फेब्रुवारी रोजी त्यागमूर्ती धम्ममाता रमाई जयंतीचे आयोजन करण्यात आले होते. याप्रसंगी जेष्ठ साहित्यिक हि. रा. गवई हे प्रमुख मार्गदर्शक म्हणून उपस्थित होते तर कार्यक्रमाचे अध्यक्ष शाहिर सिध्दार्थ डोंगरदिवे, प्रमुख उपस्थितीत सामाजिक कार्यकर्ते रामदास नेवरे, सौ. नलीनीताई गवई, कु. सुप्रिया चंदन तायडे हे होते.
मान्यवरांनी त्यागमूर्ती धम्ममाता रमाई यांच्या प्रतिमेचे पूजन करून कार्यक्रमाला सुरुवात झाली. याप्रसंगी उपस्थितांना मार्गदर्शन करतांना गवई म्हणाले की, त्यागमूर्ती धम्ममाता रमाईचा आदर्श बहुजन महिलांनी घ्यावा, जेणे करुन माता रमाईला खरी आदरांजली ठरेल. यावेळी कु. सृष्टी कर्हाडे, कु. दिक्षीता कर्हाडे, अनिकेत डोंगरदिवे, शैलेष वानखडे यांनी त्यागमूर्ती रमाई मातेच्या जीवनावर आपले विचार व्यक्त केले. तसेच साहित्यीक हि.रा. गवई यांनी माता रमाई जयंती निमीत्त वृध्दाश्रमास धान्य व फोटो तर शालीकराम कर्हाडे व रामदास नेवरे यांनी एक ट्रॉली जळतन वृध्दाश्रमास दान दिले.
या कार्यक्रमाचे सूत्रसंचालन वृद्धाश्रमाचे संचालक प्रशांतभैय्या डोंगरदिवे व प्रास्ताविक रूपालीताई डोंगरदिवे यांनी तर आभार प्रदर्शन प्रियंका वानखडे यांनी केले. यावेळी वृध्दाश्रमातील वृध्दांसह उत्तम महाराज डोंगरदिवे, रविशंकर डोंगरदिवे, प्रकाश डोंगरदिवे, अवचितराव डोंगरदिवे, सुभाष डोंगरदिवे, कावेरी डोंगरदिवे, लता घेवंदे, समाधान डोंगरदिवे, विलास डोंगरदिवे, किरण डोंगरदिवे, सचिन डोंगरदिवे, संकेत डोंगरदिवे, अनिकेत डोंगरदिवे, सुरज डोंगरदिवे, नितीन डोंगरदिवे, अमोल डोंगरदिवे, विश्वजीत वानखडे, चंद्रभागा वानखडे, नवदिप पवार यांच्यासह बौध्द उपासक उपासिका हजर होते.