– रांगोळी साकारण्यासाठी लागले तब्बल ७ तास ४९ मिनिटे
– इंडिया बूक ऑफ रेकॉर्डसमध्ये नोंद
अमरावती (जिल्हा प्रतिनिधी) – पंतप्रधान नरेंद्र मोदी यांच्या ७२ व्या वाढदिवसानिमित्त अमरावती येथील आंतरराष्ट्रीय ख्यातीप्राप्त रांगोळी आर्टिस्ट माधुरी सतीश सुदा आणि त्यांच्या १७ कलाकारांनी तब्बल २३४० चौरस फुटांची भव्य रांगोळी साकारून पंतप्रधान मोदी यांना वाढदिवसाच्या अनोख्या शुभेच्छा दिल्या. ही भव्य रांगोळी साकारण्यासाठी श्रीमती सुदा व त्यांच्या टीमला तब्बल सात तास ४९ मिनिटे इतका वेळ लागला. या रांगोळीत त्यांनी मोदी सरकारच्या काळात राबविल्या गेलेल्या ७२ योजनांचा सचित्र उल्लेख करण्यात आला आहे.
