-महावितरणमध्ये महिला कर्मचाऱ्यांचे काम उल्लेखनीय — मुख्य अभियंता दत्तात्रय बनसोडे
बुलडाणा (जिल्हा प्रतिनिधी) : महावितरणच्या विविध विभागांमध्ये महिला कर्मचारी आणि अधिकाऱ्यांचे योगदान उल्लेखनीय असून, त्यांनी आपल्या कामातून उत्कृष्ट कामगिरी बजावली आहे, असे प्रतिपादन मुख्य अभियंता दत्तात्रय बनसोडे यांनी केले.
महावितरणने ‘झिरो अपघात’ हे मिशन हाती घेतले असून, सर्व कर्मचाऱ्यांनी सुरक्षिततेच्या नियमांचे काटेकोरपणे पालन करावे, असे आवाहनही बनसोडे यांनी केले. कामाच्या ठिकाणी सुरक्षिततेची काळजी घेणे आणि सुदृढ आरोग्य राखणे यामुळे कुटुंबासह संस्थेलाही बळ मिळते, असा संदेश त्यांनी या कार्यक्रमातून दिला. यावेळी कार्यकारी अभियंता अनिरुद्ध आलेगावकर यांनीही मार्गदर्शन केले. बुलडाणा जिल्ह्यातील विविध विभागांमध्येही ‘सन्मान सौदामिनीचा’ कार्यक्रम आयोजित करून महिला कर्मचाऱ्यांच्या कामाचा गौरव करण्यात आला. महावितरणमध्ये कार्यरत महिला अधिकारी, अभियंते आणि कर्मचारी मोठ्या संख्येने या कार्यक्रमात सहभागी झाल्या होत्या.
