– श्री नृसिंह जयंतीनिमित्त संजीवन समाधीवर आकर्षक देखावा; भाविकांची मोठी गर्दी
आळंदी (अर्जुन मेदनकर) येथील श्री ज्ञानेश्वर महाराज मंदिरात श्री नृसिंह जयंतीनिमित्त श्री ज्ञानदेवांच्या संजीवन समाधीवर चंदन उटीद्वारे भगवान श्री नृसिंह अवतार आकर्षकपणे साकारण्यात आला. पुणे येथील मूर्तिकार अभिजीत धोंडफळे आणि त्यांच्या सहकाऱ्यांनी परिश्रमपूर्वक हा चंदन उटी अवतार साकारला.
या देखाव्याचे वैभवी दर्शन घेण्यासाठी भाविकांनी मोठी गर्दी केली होती. श्रद्धा आणि भक्तिभावाने भारलेल्या वातावरणात भाविकांनी श्रींचे दर्शन घेतले.
