-UDID नसल्यास पुढील महिन्याचे अर्थसहाय्य बंद होणार; लाभार्थ्यांना तातडीचे आवाहन :- विजय सवडे (तहसीलदार, चिखली)
राजेंद्र घुबे (देऊळगाव घुबे) : शासनाकडून विशेष सहाय्य योजनेअंतर्गत दिव्यांग लाभार्थ्यांना दरमहा अर्थसहाय्याचे वितरण करण्यात येते. राज्य शासन, महाराष्ट्र शासनाच्या दिव्यांग सक्षमीकरण विभागाच्या शासन निर्णय क्रमांक : दिव्यांग-2026/प्र.क्र.33/कार्यासन-1, दिनांक 27 मार्च 2026 अन्वये सदर अर्थसहाय्य वितरणाकरिता प्रत्येक दिव्यांग लाभार्थ्याकडे दिव्यांगाचे वैश्विक ओळखपत्र (UDID) असणे अनिवार्य करण्यात आले आहे.
शासनाचा स्पष्ट इशारा
शासन निर्देशानुसार UDID प्रमाणपत्र सादर न केलेल्या लाभार्थ्यांना पुढील महिन्याचे अर्थसहाय्य वितरित होणार नाही.
शिबिरांचा लाभ घ्या
ग्रामीण रुग्णालय, चिखली येथे दर महिन्याच्या दुसऱ्या व चौथ्या मंगळवारी दिव्यांग प्रमाणपत्राकरिता शिबीर आयोजित केले जाते. सदर शिबिराचा लाभ घेऊन दिव्यांग लाभार्थ्यांनी दिव्यांगाचे वैश्विक ओळखपत्र (UDID) प्राप्त करून घ्यावे, असे आवाहन तहसीलदार श्री. विजय सवडे यांनी केले आहे.
