-बंदोबस्त, सीसीटीव्ही व मिरवणूक मार्गाचे नियोजन तपासले
चिखली (महेंद्र हिवाळे: सर्व जाती-धर्मियांचे श्रद्धास्थान असलेल्या सैलानी बाबा यात्रेसाठी दरवर्षी लाखो भाविक सैलानी येथे दाखल होत असतात. यंदाही यात्रा जवळ आल्याने कायदा व सुव्यवस्था अबाधित राहावी तसेच भाविकांची कोणतीही गैरसोय होऊ नये यासाठी प्रशासनाने विविध विभागांच्या समन्वय बैठका घेतल्या आहेत.
याशिवाय परंपरागत जळणाऱ्या होळीचे ठिकाण, झिरा परिसर तसेच भाविकांसाठी करण्यात येणाऱ्या वाहन पार्किंग व्यवस्थेचीही पाहणी करण्यात आली. संबंधित अधिकाऱ्यांना व स्थानिक पदाधिकाऱ्यांना आवश्यक त्या सूचना देण्यात आल्या. सैलानी यात्रा बंदोबस्त अधिक सक्षम व सुयोग्य पद्धतीने राबविण्यासाठी या पाहणीमुळे दिशा मिळाली असून भाविकांनी प्रशासनास सहकार्य करावे, असे आवाहन करण्यात आले. यावेळी पिंपळगाव सरांई येथील सरपंच पती केशव तरमले, पोलीस पाटील रामेश्वर गवते, सैलानी येथील शफिक मुजावर, रशीद मुजावर तसेच पोलीस अंमलदार राहुल जाधव, कळमकर, अख्तर शेख, काझी आदी उपस्थित होते.
