-सिंदखेड राजा पोलिसांची धडक कारवाई; दोन बुलेट जप्त
सिंदखेड राजा (सुरेश हुसे) : शहरातील नागरिकांच्या शांततेला बाधा आणणाऱ्या मोठ्या आवाजाच्या बनावट सायलेन्सरविरोधात सिंदखेड राजा पोलीस ठाण्याने कडक भूमिका घेतली आहे. ठाणेदार आशिष इंगळे यांच्या नेतृत्वाखाली सुरू करण्यात आलेल्या विशेष मोहिमेत दोन बुलेट दुचाकी वाहने जप्त करण्यात आली असून, इतर वाहनधारकांना कडक इशाराही देण्यात आला आहे.
यावेळी संबंधित वाहनधारकांना समज देत, भविष्यात अशा प्रकारचा प्रकार आढळून आल्यास मोटार वाहन कायद्यानुसार गुन्हा दाखल करून कठोर दंडात्मक व कायदेशीर कारवाई करण्यात येईल, असा स्पष्ट इशारा पोलिसांकडून देण्यात आला आहे. शहरातील कायदा व सुव्यवस्था अबाधित राखण्यासाठी तसेच नागरिकांच्या सुरक्षिततेसाठी ही मोहीम पुढेही सातत्याने सुरू राहणार असल्याचे सिंदखेड राजा पोलिसांनी स्पष्ट केले आहे.
