– पहाटे तीनच्या सुमारास दुसरबीडजवळील शिवनी पिसानजीकची दुर्घटना; बस पूर्णतः जळून खाक!
सिंदखेडराजा (सुरेश हुसे) – समृद्धी महामार्गावर मंगळवारी पहाटे सुमारे तीन वाजताच्या सुमारास मोठी दुर्घटना होता होता टळली. नागपूरहून मुंबईकडे जाणाऱ्या एका खासगी प्रवासी बसला अचानक आग लागल्याने काही क्षणांतच बसने पेट घेतला. मात्र चालकाच्या सतर्कतेमुळे आणि वेळीच हालचाल केल्याने बसमधील सर्व ५२ प्रवाशांना सुखरूप बाहेर काढण्यात यश आले आणि मोठा अनर्थ टळला.
घटनेची माहिती मिळताच महामार्ग पोलीस व स्थानिक पोलीस घटनास्थळी दाखल झाले. आगीमुळे समृद्धी महामार्गावरील वाहतूक काही काळ विस्कळीत झाली होती. मात्र पोलिसांनी तत्काळ उपाययोजना करून वाहतूक सुरळीत केली. बसला आग लागण्याचे नेमके कारण अद्याप स्पष्ट झाले नसून तांत्रिक बिघाड किंवा शॉर्टसर्किटमुळे ही आग लागली असण्याची शक्यता व्यक्त करण्यात येत आहे. घटनेचा पुढील तपास पोलीस करत आहेत.
