मलकापूर पांग्रा येथे भीमा कोरेगाव शौर्यदिन उत्साहात साजरा

-विजय स्तंभाला समता सैनिक दलाची सलामी; शूर वीरांना मानवंदना

सिंदखेडराजा (सुरेश हुसे) : मलकापूर पांग्रा येथे भीमा कोरेगावचा २०८ वा शौर्यदिन मोठ्या उत्साहात व अभिमानाने साजरा करण्यात आला.यानिमित्त समता सैनिक दलाच्या वतीने विजय स्तंभाला मानवंदना देत भीमा कोरेगाव युद्धातील शूर वीरांना सलामी अर्पण करण्यात आली.

सकाळी १० वाजता संतोष साळवे यांच्या हस्ते डॉ. बाबासाहेब आंबेडकर यांच्या पुतळ्याला पुष्पहार अर्पण करून विजय स्तंभास आदरांजली वाहण्यात आली. त्यानंतर छत्रपती संभाजी महाराजांच्या पुतळ्यालाही पुष्पहार अर्पण करण्यात आला. समता सैनिक दलाच्या वतीने भीमा कोरेगाव युद्धात शौर्य गाजविणाऱ्या वीरांना सामूहिक सलामी देण्यात आली. या कार्यक्रमास सरपंचपती यादव टाले, डॉ. बाबासाहेब आंबेडकर जयंती उत्सव समितीचे अध्यक्ष संतोष साळवे, माजी सैनिक सर्जेराव मगर, शरद साळवे, कृषी शिक्षक शरद आटोळे, ॲड. लुखमान शेख, फिरोज पठाण, सामाजिक कार्यकर्ते प्रवीण देशमुख, रंगनाथ साळवे, बाळासाहेब पवार नागवंशी, महाराष्ट्र पार्टी ऑफ इंडिया जिल्हाध्यक्ष भारत साळवे, दिलीप काकडे, आत्माराम काळे, मुबारक पठाण, रामभाऊ दराडे, उजेश सोनुने, विजय गायकवाड, बबन राठोड यांच्यासह अनेक मान्यवर व नागरिक मोठ्या संख्येने उपस्थित होते.

कार्यक्रमाच्या यशस्वीतेसाठी अभिमान साळवे, अमोल पैठणे, सुनील साळवे, कैलास साळवे, अरुण लहाने, सागर मोरे, खडोबा काकडे, नंदकिशोर साळवे, सुनील बनसोडे, पवन साळवे, संतोष साळवे, परमेश्वर साळवे, एकनाथ साळवे, सुनील मगर, नवनाथ मगर, अक्षय मगर, सुनील काकडे, भीमराव साळवे, विलास मोरे, संदीप शिनगारे, पंकज साळवे, सूरज मगर, पंढरी मगर, प्रदीप मगर, धर्मा काकडे, गौतम साळवे, शैलेश आराख आदींनी विशेष परिश्रम घेतले. कार्यक्रमाचे सूत्रसंचालन माजी सैनिक शरद साळवे यांनी केले, तर आभार प्रदर्शन डॉ. गंगाराम उबाळे यांनी मानले.