मेरा बु , ता. चिखली (प्रताप माेरे) : मागील वर्षी गुंजाळा गावात काळ्या वाणूने आक्रमण करुण घरा घरात प्रवेश केला होता आणि गावकऱ्यांना विविध आजाराला सामोरे जावे लागले होते . आता पुन्हा गावात काळ्या वाणूंचा सुळसुळाट वाढल्याने गावकऱ्यांमध्ये भीतीचे वातावरण पसरले आहे .
चिखली तालुक्यातील शेवटच्या टोकावर असलेल्या गुंजाळा गावाची लोकसंख्या दिड ते दोन हजाराच्या जवळपास असून ग्रा.प. सरपंच व सदस्य संख्या आठ आहे . या गावामध्ये सचिव म्हणून धनवे हे काम पाहतात तर कृषी सहायक गवई , तलाठी जाधव , हे कार्यरत आहेत मात्र मेरा बु उपकेंद्राला दोन वर्षांपासून वैद्यकीय अधिकारी नसल्याने आरोग्य विभागाचे कर्मचारी गावात फिरकतच नाहीत . त्यामुळे गुंजाळा गावकऱ्यांना विविध आजाराला नेहमीच सामोरे जावे लागत आहे .
याबाबत अनेकांना काळे वाणू कोणत्या औषधीने नाहीसे होतील असे विचारले असता कोणीही काहीही सांगण्यास तयार नाही . जर या वाणूंची लवकरात लवकर विल्हेवाट लावली नाही तर प्रत्येक घराघरात वाणूंचे आक्रमण होऊन गावकऱ्यांचे आरोग्य धोक्यात येवून गावात राहणे अवघड होईल . त्यामुळे संबंधित विभागाने तात्काळ गावात पसर लेल्या काळ्या वाणूंची विल्हेवाट लावावी अशी मागणी गावकऱ्यां कडून होत आहे .
