– तीन लाख २० हजारांच्या रोख रकमेसह दुचाकी जप्त; आरोपीस अटक करून अमरावती पोलिसांकडे सुपूर्त!
अमडापूर (अझहर शेख) – अमरावती येथे ट्रकमधून साडेतीन लाख रूपयांची चोरी करून पळून आलेल्या अट्टल चोरट्यास अमडापूर पोलिसांनी हरणी फाटा येथील नाकाबंदी दरम्यान रंगेहाथ पकडून जेरबंद करण्यात आले. पोलिस उपनिरीक्षक युवराज राठोड यांच्या पथकाने ठाणेदार निखील निर्मळ यांच्या नेतृत्वात ही कारवाई करण्यात आली.
सदर संशयित इसमाविषयी माहिती घेतली असता, संशयित इसमाविरुद्ध राजापेठ पोलिस स्टेशन, अमरावती शहर येथे त्याने ट्रकमधून साडेतीन लाख रूपये चोरी करण्याबाबत गुन्हा दाखल आहे, अशी माहिती अमडापूर पोलिसांना मिळाली. सदर संशयित आरोपी व मुद्देमालासहित राजापेठ पोलिस स्टेशन तपास अधिकारी यांना सुपूर्त करण्यात आला. ही कारवाई पोलिस अधीक्षक नीलेश तांबे यांच्या आदेशानुसार व मार्गदर्शनाखाली अतिरिक्त पोलिस अधीक्षक बी बी महामुनी, उपविभागीय पोलिस अधिकारी सुधीर पाटील, स्थानिक गुन्हा शाखा बुलढाणाचे पोलिस निरीक्षक श्री लांडे यांच्या मार्गदर्शनाखाली अमडापूर पोलिस स्टेशनचे ठाणेदार निखिल निर्मळ, पोलिस उपनिरीक्षक युवराज राठोड, सहाय्यक पोलिस उपनिरीक्षक निवृत्ती चके, पो.हे.कॉ.भगवान शेवाळे, पोना. गजानन काकडे, पोकॉ. रंणजीत सरोदे, तसेच जिल्हा वाहतूक शाखा बुलढाणा पोहेकॉ प्रदीप अवसरमोल, पोकॉ दीपक सपकाळ यांनी कार्यवाही केली आहे.
