महाविकास आघाडीच्या उमेदवाराच्या प्रचारासाठी लोकसभेचे विरोधी पक्षनेते राहुल गांधी यांची सभा आज (दि.१२) बुलढाणा जिल्ह्यातील चिखली येथे आयोजित केली होती. परंतु, विमानात तांत्रिक बिघाड झाल्याने राहुल गांधी यांचा हा दौर रद्द करण्यात आला आहे. याबाबतची माहिती राहुल गांधी यांनी आपल्या एक्स अकाउंटवरून दिली आहे. राहुल गांधी यांनी आपल्या पोस्टमध्ये म्हटले आहे की, मी तुम्हा सर्वांची माफी मागतो. मला आज चिखलीला यायचे होते. तेथे मला सोयाबीन उत्पादक शेतकऱ्यांना भेटायचे होते आणि एका जाहीर सभेला संबोधित करायचे होते. पण विमानातील तांत्रिक बिघाडामुळे मी येऊ शकत नाही. मला माहित आहे की, महाराष्ट्रातील शेतकरी खूप अडचणींचा सामना करत आहेत. भाजप सरकार सोयाबीन आणि कापूस उत्पादक शेतकऱ्यांना रास्त भाव देत नाही. मी तुम्हाला सांगू इच्छितो की, भारत सरकार तुमची काळजी घेईल आणि तुमच्या समस्या त्वरित सोडवण्याचा प्रयत्न करेल.
